झगनखबर
असार २१ । नेपाली कांग्रेसकी महिला नेतृ
तारादेवी कार्की सम्मानित हुनुभएको छ । बलबहादुर राई स्मृति प्रतिष्ठानले बलबहादुर
राई स्मृति दिवसको अवसरमा सम्मानित गरेको हो । बिकट ठाउँमा जन्मिएकी महिला, राजनितिक परिवर्तनको
लागि आन्दोलनमा होमिएर महत्वपुर्ण भूमिका
निर्वाह गरेको भन्दै सम्मान गरिएको हो । सम्मान–पत्रसहित दोसल्ला ओढाएर सम्मान गरिएको
थियो ।
कार्यक्रमका प्रमुख अतिथी नेपाली कांग्रेसका
केन्द्रिय सदस्य एवं पुर्व मन्त्री डा. मिनेन्द्र रिजालले सम्मान– पत्रसहित दोसल्ला
ओढाएर सम्मान गर्नुभएको थियो । महिलाहरु घरबाट बाहिर निस्कनु हुदैन भन्ने समयमा
नेपाली कांग्रेस पार्टीको विभिन्न पदमा रहि
देश र समाज परिवर्तनका लागि अहोरात्र खटिई महत्वपुर्ण योगदान गरेकोले
बलबहादुर राई स्मृति प्रतिष्ठान तपाँईको कार्यको उच्च मूल्यांकन गर्दै यो सम्मान–पत्रद्धारा सम्मान
गर्दछ, भनिएको छ ।
जिल्लाको साविक
बरुणेश्वर गाउँविकास समिति, हाल
मोलुङ्ग गाउँपालिका–२, लामीडाँडामा २०१३ साल
चैत्र २ गते जन्मनुभएकी कार्की २०३६ सालेदेखि नेपाली कांग्रेसको निरन्तर अविचलीत
महिला राजनितिज्ञ हुनुहुन्छ । एस.एल.सी. सम्मको अध्ययन गर्नुभएकी कार्की २०३६ सालको
जनमत संग्रहमा बहुदलिय ब्यवस्थाको पक्षमा सक्रिय भएर लाग्नु भएको थियो । पन्चायत
कालमा जनवर्गिय महिला संगठनको गाविस सभापति भएर पन्चायतको विरुद्धमा काम गर्नु
भएको थियो । २०४६ सालपछि महिला संघको जिल्ला सचिव बन्नुभएको थियो भने २०४८ सालको
स्थनिय निर्वाचनमा वडा अध्यक्षको चुनाव जित्नुभएको थियो ।
२०५० सालमा नेपाली
कांग्रेसको महिला संघको जिल्ला सभापति हुनुभएको थियो । कांग्रेसको ११औँ महाधिबेसन
बाट महाधिबेसन प्रतिनिधी, १२औँ
महाधिबेसनमा महासमिति सदस्य बन्नुभएको थियो । २०७९ सालमा जिल्ला समन्वय समिति
ओखलढुंगाको उपप्रमुख हुनुभएको छ ।
