ओखलढुंगा, कार्तिक ५ । लोकतान्त्रिक
गठबन्धनका उम्मेदवारलाई विजयी गराउनको लागि
पालिकास्तरिय चुनाव परिचालन समिति र चुनाव प्रचारप्रसार समिति गठन भएको छ ।
आसन्न मंसिर ४ गतेको प्रतिनिधी सभा सदस्य र प्रदेश सभा सदस्य निर्वाचनलाई लक्षित
गरि चम्पादेवि गाउँपालिकामा पालिकास्तरिय चुनाव परिचालन समिति र चुनाव
प्रचारप्रसार समिति गठन गरिएको हो । विष्णु पुलामीको संयोजकत्वमा १३ सदस्यीय चुनाव
परिचालन समिति र दुर्गा कुमार खड्काको संयोजकत्वमा १३ सदस्यीय चुनाव प्रचारप्रसार
समिति गठन गरिएको छ ।
चम्पादेवि गाउँपालिका
बाट प्रतिनिधी सभा सदस्य उम्मेदवार रामहरि खतिवडालाई रुख चिन्हमा र प्रदेश सभा
सदस्य उम्मेदवार बाबुराम गौतमलाई हसिया हथौडा चिन्हमा मतदान गरि विजयी गराउन चुनाव
परिचालन समिति र चुनाव प्रचारप्रसार समित गठन गरिएको बताएका छन । गठबन्धनका
उम्मेदवारलाई विजयी गराउन पालिकाको १० वटै
वडामा चुनाव परिचालन समिति र चुनाव प्रचारप्रसार समिति गठन गरि घरदैलो अभियान सुरु
गरिएको प्रदेश सभा सदस्य समानुपातिक उम्मेदवार विनोद कुमार सुनुवारले जानकारी
दिनुभयो ।
