झगनखबर
मंसिर २७ । ओखलढुंगा जिल्लाको सुनकोशी
गाउँपालिकाका प्रमुख कमल तामङ्गले आफुले पाउने तलब भत्ता बापतको रकम विद्यालयलाई वितरण गर्दै आउनु भएको छ ।
नेपाल सरकारले पालिका प्रमुखलाई दिइने तलब भत्ता बापतको रकम पालिका मातहतका
विद्यालयलाई वितरण गर्दै आउनु भएको हो । शैक्षिक सुधारका लागि आफुले पाएको तलब
भत्ताबाट विद्यालयलाई सहयोग गरेको प्रमुख तामङ्गले बताउनु भयो । चुनाव ताका आफुले
पाउने भत्ता शैक्षिक सुधारका लागि प्रयोग गर्ने बताउनु भएको थियो । सोहि अनुसार
एकवर्षको भत्ता बापतको रकम ४ वटा विद्यालयलाई वितरण गरिएको बताएका छन् ।
तीन वटा विद्यालयलाई
अघिल्लो आर्थीक वर्षमा वितरण गरिएको र एउटा विद्यालयलाई मंगलबार वितरण गरिएको
बताएका छन् । जगत जननी माध्यामिक विद्यालय सुनकोशी ८ मा मंगलबार एक कार्यक्रमको
आयोजना गरी अध्यक्ष तामङ्गले नगदै रु १ लाख २ हजार वितरण गर्नु भएको विद्यालयले जनाएको
छ । कार्यक्रममा प्रशासकिय अधिकृत रामकुमार कार्की शिक्षा शाखा प्रमुख बिवेक
तामाङ्ग लगायतको उपस्थितीमा रकम हस्तान्तरण गरिएको छ । प्रस्थावित मा.विको रुपमा
सन्चालन भएको जगत जननी माविलाई ठुलो राहत भएको वडाअध्यक्ष गुणराज भट्टराईले बताउनु
भयो । ५ जना स्थायाी शिक्षक र ३ जना
पालिकाको अनुदानमा शिक्षक भएको र बाँकी रहेका शिक्षकहरु विद्यालयले नै आन्तरिक
श्रोतबाट सन्चालन भईरहेको छ । पालिका प्रमुखले गरेको सहयोगले विद्यालयलाई सन्चालन
तथा गुणस्तर बृद्धिमा ठुलो सहयोग पुगेको अध्यक्ष भट्टराईको भनाई छ ।
पालिका प्रमुखले
पाउने तलब भत्ता वार्षिक ४ लाख ८ हजार, ४ वटा विद्यालयलाई १ लाख २ हजारका दरले
वितरण गर्दै आउनु भएको छ । जगत जननी माध्यमिक विद्यालय सुनकोशी–८, कुशादेवी माध्यमिक
विद्यालय सुनकोशी–१०, कोषभन्ज्याङ्ग विद्यालय सुनकोशी–९ र कालिका आधारभूत विद्यालय सुनकोशी–५ मा वितरण गरिएको
पालिकाले जनाएको छ ।
यो वर्ष अन्य ४ वटा
विद्यालयलाई वितरण गरिने पनि पालिका प्रमुख तामङ्गले बताउनु भयो । सरकारी
विद्यालयमा शैक्षिक गुणस्तर बृद्धि गर्नको लागि सहयोग गरिएको बताउनु भयो । सरकारी
विद्यालयको शैक्षिक गुणस्तर बृद्धि गरी नागरिकले विश्वास गर्न सक्ने शिक्षाको
विकास गर्न भत्ता बापतको रकम वितरण गरिएको
बताउनु भयो । सहयोग बापत पाएको रकमले विद्यालयमा ब्यवस्थापन गर्न सजिलो भएको
विद्यालय प्रशासनले जानकारी दिइएको छ ।
