२४ पुस, विराटनगर । प्रदेश १ को
मुख्यमन्त्रीमा नेकपा एमालेका नेता हिक्मतकुमार कार्की नियुक्त भएका छन् । उनलाई
प्रदेश प्रमुख परशुराम खापुङले संविधानको धारा १६८ (२) अनुसार मुख्यमन्त्रीमा
नियुक्त गरेका हुन् । सत्ता गठबन्धन दलको मुख्य घटक एमाले र माओवादीबीच आलोपालो
प्रदेश सरकारको नेतृत्व गर्ने सहमति भएको माओवादी संसदीय दलका नेता इन्द्रबहादुर
आङ्बोले जनाएका छन् । यो सहमति पालना भएमा आगामी साढे दुई वर्षपछि प्रदेश १
मा मुख्यमन्त्री नेकपा माओबादी बाट
आङ्बोलाई बनाउने निश्चित छ । झापा क्षेत्र नम्बर ५ (१) बाट प्रदेशसभा सदस्यमा
दोस्रो पटक निर्वाचित कार्कीलाई मुख्यमन्त्री बनाउन, ९३
सदस्य मध्य नेकपा माओवादी केन्द्र,
राप्रपा र जनता समाजवादी पार्टीका गरी ६० सांसदले समर्थन गरेका छन्
।
२४ पुस २०७९, आईतबार ०५:५८ मा प्रकाशित
257
