असन्तुष्ट राहत शिक्षकहरु माग पूरा नभएसम्म आन्दोलन जारी राख्ने

झगनखबर

असोज ६ । राहत, पेन्सन पिडित शिक्षकहरुले निरन्तर आुन्दोलन गर्ने भएका छन् । शिक्षक महासंघ र नेपाल सरकारविच भएको सहमतिमा राहत शिक्षकहरुको माग सम्बोधन नभएको भन्दै आन्दोलन जारी राख्ने भएका हुन् । शिक्षक महासंघको आयोजनामा असोज ३ गते देखि देशैभरीका विद्यालय बन्द गरी काठमाण्डौ केन्द्रित सडक आन्दोलनमा उत्रिएका थिए । शिक्षक महासंघ र नेपाल सरकार विच असोज ५ गते भएको सहमतिमा राहत, पेन्सन पिडीत शिक्षकलाई बेवास्ता गरेको भन्दै आन्दोलन जारी राख्ने बताएका हुन् । २०७६ साल साउन १ पछी स्थाई नियुक्ती भएका शिक्षकहरुलाई निवृतिभरण (पेन्सन) नदिने भन्ने निर्णयमा नेपाल सरकार र शिक्षक महासंघ बिच भएको विभेदकारी सम्झौता प्रति घोर भत्र्सना भएको विज्ञप्ती मार्फत जनाएका छन् । असोज ५ गतेको मितिमा प्रकाशन गरिएको विज्ञप्तीमा भनिएको छ, 'एउटै शिक्षा ऐन २०८० अनुसार नियुक्त शिक्षकलाई विभेद गरेको र सम्झौता गर्दा पेन्सन बन्चित शिक्षक समुह केन्द्रिय संघर्ष समितिलाई सहभागी नगराई २०७६ साल पछी नियुक्त हामी शिक्षकहरुलाई राज्यले विभेद र घोर अन्याय गरेको ठहर गरेका छौँ ।'

तसर्थ नेपाल सरकार शिक्षक महासंघ विच भएको सम्झौता नमान्ने र उक्त सम्झौता खारेजीका लागी निरन्तर सडक आन्दोलन गर्ने बताएका छन् । असन्तुष्ट शिक्षकहरु आज शनिबार दिनभर बानेश्वरमा प्रदर्शन गरेका थिए । विभेकारी सम्झौता खारेज नगरेसम्म सडक आन्दोलन जारी राख्ने शिक्षकहरुले बताएका छन् ।