आदिवासी जनजाति युवा महासंघ नेपालको संघिय महाधिवेशन ओखलढुंगामा हुदै

बैशाख ४ । आदिवासी जनजाति युवा महासंघ नेपालको संघिय महाधिवेशन ओखलढुंगामा हुने तयारी पूरा भएको छ । बैशाख ६ र ७ गते हुने संघिय महाधिवेशनको तयारी पूरा भएको आयोजकले जानकारी दिएका हुन । देशैभरिका आदिवासी जनजाति युवाहरुको तीन सय भन्दा बढी युवाकहरुको सहभागीतामा छैठौ संघिय महाधिवेशन सम्पन्न हुने महासंघका अध्यक्ष हेमन्त कुमार राईले जानकारी दिनुभयो ।

‘पहिचान, अधिकार सहितको समृद्धि र रोजगारीका लागि हाम्रो अभियान, न्याय समानता, समाबेशी, युवा नेतृत्वको लागि छैठौ संघिय महाधिवेशन’ भन्ने मूलनाराका साथ महाधिवेशन सम्पन्न हुदैछ । बैशाख ५ र ६ गते ओखलढुंगामा हुने संघिय महाधिवेशनको सम्पुर्ण तयारी पूरा भएको बिहिबार पत्रकार भेटघाट कार्यक्रमको आयोजना गरी जानकारी दिएका हुन् ।

महाधिवेशनमा आदिवासी पहिचान सहितको झाँकी, ¥याली भेषभूसा सहित  प्रदर्शन गरिने जानकारी दिएका छन् । आन्तरिक पर्यटन प्रबद्र्धन, र विभिन्न भाषीक सन्चार प्रबद्र्धनका लागि संघिय महाधिवेशन ओखलढुंगामा आयोजना गरिएको जानकारी दिएका छन् । युवा तथा खेलकुद मन्त्री तेजुलाल चौधरीको प्रमुख आतिथ्य र प्रदेश मन्त्री, जिल्लाका सांसद सहितको उपस्थितीमा महाधिवेशन  हुने बतएका छन् । अध्यक्ष उपाध्यक्ष सहितको आयोजक टिम ओखलढुंगामा आई महाधिवेशनको तयारीका लागि जुटिरहेका छन् । ओखलढुंगामा सम्पन्न हुने छैठौ महाधिवेशनमा सम्पुर्ण आदिवासी जनजाति युवाहरुलाई महासंघमा संगठित हुन अनुरोध समेत गरिएको छ ।