साउन ९ । सौर्य एयरलाइन्सको विमान दुर्घटनामा
ओखलढुंगाका को–पाईलट सुशान्त कटवालको निधन भएको छ । त्रिभुवन अन्तराष्ट्रिय विमानस्थल
धावन मार्गमा बुधबार भएको विमान दुर्घटनामा को–पाईलट ओखलढुंगा च्यानमका कटवालको निधन भएको
हो ।
सुनकोशी गाउँपालिका–७ थामडाँडाका कटवाल
साँढे दुइवर्ष देखि सौर्य एयरलाइन्सको को–पाइलटको भूमिकामा रहनु भएको थियो । सुशान्त
कटवाल; सुनकोशी गाउँपालिका–७ च्यानम घर भई हाल
काठमाण्डौमा बसोबास गर्दै आउनु भएका ओखलढुंगा जिल्लाका पुर्व जिल्ला शिक्षा
अधिकारी ओम बहादुर कटवाल र आमा रन्जना कटवालका एक्लो छोरा हुन् । दक्षिण
अफ्रिकाबाट पाइलट कोर्ष पुरा गरी नेपाल फर्केका २७ वर्षिय कटवाल विगत दुई वर्ष
देखि सौर्य एयरलाइन्समा को–पाईलटको भूमिकामा
कार्यरत रहनु भएको थियो । को–पाइलट कटवालको निधनले समग्र च्यानमबासी लगायत
ओखलढुंगाबासी शोकमग्न भएका छन् ।
त्रिभुवन विमानस्थलबाट बुधबार विहान ११ बजेको समयमा पोखराका लागि उडेको ९एन–एएमइ कलसाइन भएको विमान धावन मार्गमा दुर्घटना भएको थियो । विमानमा सवार १९ जना मध्ये पाइलट मनिष शाक्य घाइते अवस्थामा उद्धार गरी उपाचारर्थ हुनुहुन्छ भने १८ जनाको घट्नास्थलमै मृत्यु भएको छ ।
बुवा आमा सँग सुशान्त कटवाल
