झगनखबर
फागुन १६ । कालिका माध्यमिक विद्यालय
सिस्नेरीको वार्षिकोत्सव तथा भवन उद्घाटन कार्यक्रम विभिन्न कायक्रमका बिच सम्पन्न
भएको छ । बुधबार विद्यालयको ६२औँ वार्षिकोत्सव र नवनिर्मित भवन उद्घाटन गरिएको हो
। शिक्षा विज्ञान तथा प्रविधी मन्त्री अशोक राईको प्रमुख आतिथ्यता र राज्य व्यवस्था तथा सुशासन समितिका सभापति
रामहरि खतिवडा पुर्व माननिय यज्ञराज सुनुवार जिल्लास्थित पालिका प्रमुखहरुको
उपस्थितीमा कार्यक्रम सम्पन्न भएको छ । कार्यक्रमलाई सम्बोधन गर्दै शिक्षा मन्त्री
राइले विद्यालय शिक्षा सम्बन्धी ऐन निर्माणको काम चलीरहेकोले हिउदे अधिवेशनबाट
सकेर वर्षे अधिवेशनबाट राष्ट्रिय सभाबाट पारित गराउन सकियो भने यसले संघ, प्रदेश र स्थानिय तहको अधिकारको बारेमा
प्रष्ट हुने बताउनु भयो । 'अहिले सम्म
विभिन्न सरोकारवाला निकाय सँग छलफल गरी राय लिई छलफल गरिरहेका छौ ।' शिक्षा
सम्बन्धी कानुन, प्राविधिक शिक्षा सम्बन्धी कानुन र
उच्च शिक्षा सम्बन्धी कानुनको ऐनहरु बनेर कार्यान्वयनमा गएपछि नेपालको शिक्षा
क्षेत्रमा क्रान्ती हुने बताउनु भयो ।
भुकम्प पश्चात नेपाल सरकार केन्द्रिय आयोजना कार्यान्वयन इकाईको आर्थीक सहयोगमा
निर्माण भएको हो । केसी कन्ट्रक्शन कुपनडोलले निर्माण गरेको उक्त भवन
मूल्यअभिबृद्धी कर बाहेक ७ करोड २९ लाख ९५
हजार ३ सय ६५ रुपैयाँ ९० पैसामा निर्माण सम्पन्न भएको विद्यालय व्यवस्थापन समितिका
अध्यक्ष नवराज खड्काले जानकारी दिनुभयो ।
सुविधायुक्त २४ कोठे भवनको निर्माण सम्पन्न भएपछि वार्षिकोत्सवसँगै उद्घाटन
गरिएको ब्यवस्थापन समितिले जानकारी दिएको छ । ३।३ तले दुईवटा भवनमा स्टाफ रुम, कम्प्युटर ल्याब, पुस्तकालय, साइन्स ल्याव सहित २४ कोठा रहेको छ ।
उक्त नयाँ भवन निर्माण सम्पन्न भएपछि अध्ययन अध्यापनका लागि सजिलो भएको
प्रधानाध्यापक इन्द्र प्रसाद लुइटेलले बताउनु भयो । कार्यक्रममा उत्कृष्ट विद्यार्थीलाई सम्मान गरिएको थियो । कार्यक्रममा राष्ट्रिय
ख्यातिप्राप्त कलाकारबाट सांगितिक कार्यक्रम पनि प्रस्तुत गरिएको छ । ।
