ओखलढुंगा, कार्तिक ३० । नेपाली कांग्रेसका
जिल्ला सभापति तेजेन्द्र खनालले गठबन्धनका तिन वटै सिट बहुमतले जिताउने प्रतिज्ञा
गर्नु भएको छ । ओखलढुंगा जिल्लामा प्रदेशसभा तर्फ दुइवटा निर्वाचन क्षेत्र र प्रतिनिधी
सभा तर्फ एउटा निर्वाचन क्षेत्र रहेको छ । प्रतिनिधी सभा तर्फ नेपाली कांग्रेसका
केन्द्रिय सदस्य रामहरि खतिवडा, प्रदेशसभा सदस्य प्रदेश (क)
मा नेपाली कांग्रेसकै केन्द्रिय सदस्य प्रदिप कुमार सुनुवार र प्रदेश (ख) तर्फ
नेकपा माओबादीका केन्द्रिय सदस्य बाबुराम गौतम उम्मेदवार रहेका छन् । पार्टीको
जिल्ला सभापति निर्वार्चीत भए लगतै स्थानिय तहको चुनाव फेस गरेका खनालले जिल्लाको
एकमात्र नगरपालिका सिद्धिचरण नगरपालिकामा आफै निर्वाचित भए भने अन्य ५ वटा स्थानिय
तहमा प्रमुख र ४ वटा स्थानिय तहमा उपप्रमुख जिताउन सफल भएका थिए । ओखलढुंगामा
नेपाली कांग्रेसको एकल जिल्ला समन्वय समिति बनेको छ । मंसिर ४ गते हुने प्रतिनिधी
सभा सदस्य निर्वाचन र प्रदेश सभा सदस्य निर्वाचनमा होमिएका बाम लोकतान्त्रिक
गठबन्धनका उम्मेदवारलाई जिताउन कस्सेर लागिपरेका छन् । झगनखबर सँग कुरा गर्दै उनले
भने; ‘म जिल्लाको एक मात्र नगरपालिकाको प्रमुख पनि भएकाले
निर्वाचन आयोगको आचारसंहितालाई ख्याल गर्दै गठबन्धनका उम्मेदवारलाई जिताउने
जिम्मेवारीलाई सहजताका साथ पूरा गर्नेछु र तिनैजना उम्मेदवारलाई बहुमतका साथ विजयी
गराएर पठाउनेछु’ । सालीन स्वभावका खनाल, पार्टी संगठन र
चुनाव परिचालनमा अब्बल मानिएका छन् । जिल्ला अधिबेशनमा पार्टी सभापति निर्वाचित भए
लगत्तै भएको स्थानिय तहको चुनावमा आफ्नो कार्यकुशल्ता देखाएका थिए । विद्यार्थी
जीवन देखि नै राजनितिमा होमिएका खनाल ने.वि.संघको जिल्ला अध्यक्ष, नेपाली कांग्रेसको जिल्ला सदस्य, सचिव, उपसभापति हुदै १४औ जिल्ला अधिबेशन बाट सभापतिको भूमिकामा छन् । सभापति
निर्वाचित भए पश्चात जिल्लामा भएका असन्तुष्ट पक्षलाई पनि मिलाएर सँगै राख्ने
प्रयासमा लागिरहेका छन्, र सफल पनि भएका छन् । अहिले
जिल्लामा सबै कांग्रेसीहरु एकढिक्का भएर चुनावमा गठबन्धनका उम्मेदवारलाई जिताउन
सहयोग गरिहेको बताउछन् । ओखलढुंगा जिल्ला कांग्रेसको किल्ला भनेर चिनिएको, जिल्लालाई फेरी एकपटक ४९ साल र ५६ साल फकाउने लक्ष्ये लिएर काम गरिरहेकोले
जिल्लाका विभिन्न तह र तप्कामा बसेर पार्टीको काम गरिरहेका नेता तथा
कार्यकर्ताहरुलाई एकजुट भएर पार्टीको काम गर्न अनुरोध गरेका छन् । उनि भन्छन्;
‘आ–आफ्नो पदिय हैसियत अनुसारको जिम्मेवारी अनुशासित भएर पुरा गर्न
सबै जना लाग्यौँ भने सोचेको जस्तो रिजल्ट निस्कन्छ र लक्ष्यमा पुग्न सजिलो हुन्छ’
। अहिलेको संघ र प्रदेशको चुनावमा बाम लोकतान्त्रिक गठबन्धनका साझा उम्मेदवारलाई
सहयोग गर्न नेपाली कांग्रेसका नेता, कार्यकर्ताहरुलाई निर्देशनात्मक अनुरोध गरेका छन् । जिल्लामा
एउटा नगरपालिका र सात वटा गाउँपालिका रहेका छन् । स्थानिय तह निर्वाचनमा ५ वटा
स्थानिय तहमा प्रमुख र ४ वटामा उपप्रमुख जितेर एकल जिल्ला समन्वय समिति बनेको छ ।
नेकपा एमालेले एउटा प्रमुख र ४ वटा उपप्रमुख जितेको छ, एउटा
स्थानिय तहको प्रमुखमा जसपाले जितेको छ। गठबन्धन सँग नेकपा एमाले एक्लै चुनाव फेस
गरिरहेको छ ।
