फागुन १ गतेको सार्वजानिक बिदा नदिने सरकारको निर्णय

झगनखबर

माघ २९ ।  फागुन १ गते दिइने गरेको सार्वजनिक बिदा सरकारले कटौती गरेको छ ।  मन्त्रालयका सहसचिव एवं प्रवक्ता नारायणप्रसाद भट्टराईले आज एक सूचना जारी गर्दै सार्वजानिक फागुन १ गते सार्वजनिक विदा नरहेको जानकारी दिनुभयो  । नेपाल सरकार मन्त्रीपरिषदको माघ २५ गतेको निर्णयानुसार  बिदा कायम नरहेको जानकारी दिनुभयो ।

सरकारले जनयुद्ध दिवसका अवसरमा फागुन १ गते सार्वजनिक बिदा दिने घोषणा गरेको थियो । सर्वोच्च अदालतले उक्त दिन सार्वजनिक बिदा नदिन सरकारलाई आदेश दिएको थियो । यही माघ २५ गते बसेको मन्त्रिपरिषद्को बैठकले सर्वोच्च अदालतको आदेशअनुसार फागुन १ गते बिदा कायम नगर्ने निर्णय गरेको छ  ।