बैशाख २१ । वीरगन्ज नगरपालिका वडा नं १६ स्थित सडक बाट नक्कली रुपैयाँ सहित दुइ
जनालाई प्रहरीले पक्राउ गरेको छ । नेपाली नोट १ हजार दरको ४ सय ५० थान र ५ सय दरको ७२
थान गरि जम्मा ४ लाख ८६ हजार नक्कली रुपैयाँ सहित बुधबार दिउसो पक्राउ गरिएको हो ।
बसपार्कबाट प्रतिमा चोकतर्फ जादै गरेको बीआर ०१
पीजी ६५७७ नम्बरको भारतीय गाडीलाई जाँच गर्ने क्रममा उक्त नक्कली नोट भेटिएको
प्रहरीले जनाएको छ ।
पक्राउ
पर्नेहरूमा सर्लाही गोडैता नगरपालिका १२
मधुवनी बस्ने ३४ वर्षीय आनन्द बर्दन सिंह र बारा परवानीपुर गाउँपालिका ३ बस्ने ३६
वर्षीय ओम प्रकाश साह रहेका छन् । मधेश प्रदेश प्रहरी कार्यालय जनकपुर र जिल्ला
प्रहरी कार्यालय पर्साबाट खटिएको प्रहरीले
नोटसहित फेला पारी चालक सिंह र गाडीमा सवार साहलाई पक्राउ गरेको हो । यस सम्बन्धमा थप अनुसन्धान भईरहेको प्रहरीले जनाएको छ ।
