मोटरसाइकल एकापसमा ठोकीदा श्रेष्ठको घाँटीको हड्डी भाँचियो

 जेठ २८ । जिल्लाको सिद्धिचरण नगरपालिका वडा नं ५ वर्णालुमा मोटरसाइकल एकापसमा ठोकीदा घाँटीको हड्डी भाँचिएको छ । मोटरसाइकल एकापसमा ठोकीदा सोई वडाका २९ वर्षीय सुवास श्रेष्ठका घाँटीको हड्डी भाँचिएको हो । विहिबार दिउँसो करिब २ बजेको समयमा ओखलढुंगा रुम्जाटारको भित्री सडक खण्डमा  मोटरसाइकल एकापसमा ठोक्कीएका थिए । ओखलढुंगाबाट रुम्जाटारतर्फ जाँदै गरेको बा ४२ प ५७२८ नम्बरको मोटरसाइकल र विपरित दिशाबाट आउँदै गरेको प्र १–०७–००१ प ००७४ को मोटरसाइकल एकापसमा ठोक्कीएको प्रहरीले जानकारी दिएका छन् । घाँटीको हड्डी भाँचिएका श्रेष्ठको सामुदायिक अस्पताल मिसन सोब्रुमा सामान्य उपचार पछि थप उपचारका लागि काठमाण्डौ पठाईएको जिल्ला प्रहरी कार्यालय ओखलढुंगाले जानकारी दिएको छ । प्र १–०७–००१ प ००७४ नम्बरको मोटरसाइकल र चालक प्रहरीको नियन्त्रणमा रहेको जानकारी दिएका छन् ।