झगनखबर
१६ साउन । कोशी
प्रदेशको मुख्यमन्त्रीमा नेपाली कांग्रेस संसदीय दलका नेता उद्धव थापा पुनः
नियुक्त हुनुभएको छ । थापाले बहुमत सहित
मंगलबार दावी पेश गरेपछि प्रदेश प्रमुख
परशुराम खापुङ्गले थापालाई मुख्यमन्त्री नियुक्त गर्नुभएको हो । थापाले
प्रदेशसभाका ४७ सदस्यको समर्थन आफूलाई रहेको भन्दै मंगलबार साँझ प्रदेश प्रमुख
परशुराम खापुङसमक्ष मुख्यमन्त्रीमा दाबी पेश गर्नुभएको थियो । २१ असारमा नियुक्त
भएका थापा सभामुखले समर्थन गर्न नमिल्ने भन्दै सर्वोच्च अदालतले नियुक्ती बदर
गरेको थियो । कोशी प्रदेशका सभामुख बाबुराम गौतमले राजीनामा गरेपछी बहुमत सदस्य
सहित दावी पेश गरेका हुन् ।
थापाले आफ्नो दलका २९
प्रदेशसभा सदस्य, माओवादी केन्द्रका १३ जना, नेकपा एकीकृत समाजवादीका ४ जना, जनता समाजवादी
पार्टीका १ जना गरी ४७ जना सांसदको समर्थन सहित
दावी पेश गरिएको बताएका छन् । ९३ जना सस्य
संख्या रहेको कोशी प्रदेश सभामा ४७ जना
बहुमत सदस्य संख्या हो । ओखलढुंगा प्रदेश (क) बाट निर्वाचित बाबुराम गौतमले
सरकारलाई बहुमत पुर्याउन सभामुख पदबाट आजै राजीनामा गरी सरकारलाई समर्थन गर्नु
भएको छ । सभामुख बहाल रहँदाको अवस्थामा सरकार निर्माणमा समर्थन गर्न नमिल्ने भन्दै सर्वोच्च अदालतले नियुक्ती बदर गरेको थियो । बहुमत सदस्य संख्या सहित दावी
पेश गरिएकोले अहिले बनेको सरकार पुर्ण समय काम गर्न सक्ने सरकार बनेको नेताहरुले
बताएका छन् ।
