बैशाख २३ देखि २९ गते सम्मको साप्ताहिक राशिफल

मेष : चु, चे, चो, ला, लि, लु, ले, लो, अ

यो साता नयाँ जिम्मेवारी र नयाँ कमको योजना बन्नेछ । व्यापार व्यवसायमा वृद्धि हुनुका साथै आम्दानीका स्रोत पनि बढ्नेछन् । राजनीतिक कार्यमा ख्याति कमाउने योग छ । साताको अन्त्यमा शेयर बजार तथा अन्य व्यवसायमा नोक्सानी बेहोर्नु पर्नेछ । यो साताका लागि शुभ अङ्क ३,७ र शुभ रङ्ग निलो हो । कुनै शुभकर्म गर्नु पूर्व शिवजीको दर्शन गरि कार्य आरम्भ गर्दा अधिक सफलता मिल्नेछ ।

वृष  : इ, उ, ए, ओ, वा, वि, वु, वे, वो

यो साता रोकिएका काम पुनः सुरु हुन सक्छन् । सामाजिक क्षेत्रबाट मानसम्मान मिल्नेछ । परदेशमा रहेका आफन्तसँग प्रविधि मार्फत भेटघाट हुनेछ । मध्य सातामा जिद्दीपनाले गर्दा काम बिग्रने डर छ । स्वास्थ्यप्रति गम्भीर हुन आवश्यक छ । यो साताका लागि शुभ अङ्क २९ र शुभ रङ्ग सेतो वा पहेंलो हो । कुनै शुभकर्म गर्नु अघि नवग्रहको आरधना गरि यात्रा गर्नाले सफलता मिल्नेछ ।

 मिथुन : का, कि, कु, घ, ङ, छ, के, को हा

यो सात मन मिल्ने साथीको सहयोग र प्रेममा सफलता मिल्नेछ । आफूसँग भएको क्षमता प्रदर्शन गर्ने अवसर जुट्ला । बन्धु बान्धवबाट सहयोग मिल्नेछ । कृषि क्षेत्रमा महत्त्वपूर्ण कामको थालनी हुनेछ । कला र गलाको प्रभाव बढ्नेछ । यो साताका लागि शुभ अङ्क ३,५ र शुभ रङ्ग रातो वा हरियो हो । कुनै शुभकर्म गर्नु पूर्व वा काममा जानु अघि विष्णु भगवानको स्मरण गरि कार्य आरम्भ गर्दा अधिक लाभ मिल्नेछ ।

 कर्कट : हि, हु, हे, हो, डा, डि, डु, डे, डो

यो साता भाग्य शक्ति कमजोर हुनाले चिताएको कार्यमा सोचे जस्तो सफलता नमिल्ला साताको मध्यबाट साताको मध्यबाट रोकिएका काममा पुन: प्रयत्न गर्दा सफलता हात लाग्नेछ । आर्थिक वृद्धिका साथै सामाजिक कार्यमा विशेष अभिरुचि रहनेछ । यो साताका लागि शुभ अङ्क १४ ६ र शुभ रङ्ग हरियो वा निलो हो । कुनै शुभकर्म गर्नु पूर्व भगवती दुर्गाजीको दर्शन गरी कार्य आरम्भ गर्दा अधिक सफलता मिल्नेछ ।

 सिंह : मा, मि, मु, मे, मो, टा, टि, टु, टे

यो साता राज्यबाट मान सम्मान पाइनेछ । आम्दानी बढ्ने र उठ्नुपर्ने रकम हातलागी हुनसक्छ । पारिवारिक साथ सहयोगले उल्लेख्य कार्य सम्पादन हुने देखिन्छ । शेयर बजारबाट पनि राम्रै सफलता पाइनेछ, तर स्वास्थ्य भने त्यति राम्रो नहोला । यो साताका लागि शुभ अङ्क १,७ र शुभ रङ्ग सेतो वा निलो हो । कुनै शुभकर्म गर्नु पूर्व श्रीकृष्ण भगवानको स्मरण गरि कार्य आरम्भ गर्दा अधिक सफलता मिल्नेछ ।

   कन्या : टो, पा, पि, पु, ष, ण, ठ, पे, पो

यो साता पारिवारिक सद्भाव बढ्नेछ । प्रेम जीवन सफल रहने र विपरित वर्ग प्रति आकर्षण बढ्नेछ । व्यापार व्यवसायमा उन्नति हुनुका साथै आर्थिक वृद्धि पनि हुने देखिन्छ, तर स्वास्थ्यप्रति गम्भीर हुन बढी आवश्यक छ । यो साताका लागि शुभ अङ्क ३,६ र शुभ रङ्ग गुलाबी वा खैरो हो । कुनै शुभकर्म गर्नु पूर्व वा यात्रामा जानु अघि दुर्गादेवीको दर्शन गरि यात्रा गर्दा अधिक सफलता मिल्नेछ ।

 तुला : रा, रि, रु, रे, रो, ता, ति, तु, ते

यो साता अरूलाई प्रभावित पारेर काम बन्नेछ । नयाँ र शुभ कार्यको योजना बन्नेछ । धार्मिक कृत्यमा सहभागीको अवसर मिल्नेछ । आफन्त र सहयोगी हातहरू अघि बढ्नेछन् । जग्गाजमिनको कारोबारबाट राम्रो प्रतिफल आउन सक्छ । यो साताका लागि शुभ अङ्क ४,९ र शुभ रङ्ग पहेँलो हो । कुनै शुभकर्म गर्नु पूर्व शिव भगवानको दर्शन गरि कार्य आरम्भ गर्दा अधिक लाभ मिल्नेछ ।

वृश्चिक : तो, ना, नि, नु, ने, नो, या, यि, यु

यो साता बोलीको विपरीत अर्थ लाग्न सक्नेछ । घर परिवारमा झैझमेलाको अवस्था आउनेछ । कार्य सम्पादनमा समस्या आउला । स्वास्थ्य प्रति सजग रहनु होला । साताको अन्त्यमा चिताएको कामले तीव्रता लिनेछ । आफन्तको प्रगतिमा मन रमाउनेछ । यो साताका लागि शुभ अङ्क २,९ र शुभ रङ्ग पहेँलो हो । कुनै शुभकर्म गर्नु पूर्व भैरवजीको दर्शन गरि कार्य आरम्भ गर्दा अधिक सफलता मिल्नेछ ।

 धनु : ये, यो, भा, भि, भु, धा, फा, ढा, भे

यो साता राजनैतिक र सामाजिक कामबाट सफलता पाइनेछ । अचल सम्पत्ति हात पर्ने योग छ । प्रेमीले नयाँ स्थानको भ्रमण गर्ने प्रस्ताव राख्न सक्छन् । मित्रजनबाट साथ सहयोग मिल्ने देखिन्छ मन लोभ्याउने पहिरनले अरूको नजर आफूमाथि पार्नेछ । यो साताका लागि शुभ अङ्क ५,९ र शुभ रङ्ग रातो हो । कुनै शुभकर्म गर्नु पूर्व विष्णु भगवानको दर्शन गरि कार्य आरम्भ गर्दा लाभ मिल्नेछ ।

   मकर : भो, जा, जि, जु, जे, जो, ख, खि, खु, खे, खो

यो साता साथीको सहयोग र हौसला मिल्नेछ । बुद्धिको उपयोग गर्दा जटिल ठानिएको कार्य सम्पादन हुनेछ । शेयर बजारबाट पनि राम्रै सफलता पाइनेछ । साताको मध्यमा दबाब र तनाव बढेको महसुस हुनेछ । ताके अनुरूप काम नबन्नाले दिक्क लाग्नेछ । यो साताका लागि शुभ अङ्क १,६ र शुभ रङ्ग हरियो वा गुलाबी हो । कुनै शुभकर्म गर्नु पूर्व विघ्नहर्ता गणेशजीको पूजा अर्चना गरि गरेको कार्यबाट अधिक सफलता मिल्नेछ ।

   कुम्भ : गु, गे, गो, सा, सि, सु, से, सो, दा

यो साता परिश्रम अनुसार उपलब्धि पनि राम्रै पाइनेछ । कृषि व्यवसायबाट राम्रो प्रतिफल पाउन सकिन्छ । नयाँनयाँ ज्ञान सिक्ने मौका मिल्नेछ । सामाजिक कार्यबाट मान र प्रतिष्ठा मिल्नसक्छ, तर अनावश्यक हिँडडुल नगरेकै जाती हुनेछ । यो साताका लागि शुभ अङ्क २,८ र शुभ रङ्ग सुन्तला वा कालो हो । कुनै शुभकर्म गर्नु पूर्व पितृदेवको स्मरण गर्नाले अधिक सफलता हात पर्नेछ ।

 मीन : दि, दु, थ, झ, ञ, दे, दो, चा, चि

यो साता शैक्षिक क्षेत्रबाट सफलता मिल्ला । नयाँ र शुभकार्यको चर्चा चल्नेछ । राजनैतिक कार्यमा सफलता मिल्नेछ । शेयर बजारबाट पनि लाभ मिल्नेछ । साताको उत्तरार्धबाट व्यापार व्यवसायमा बाधा आउनेछ । घर व्यवहारको समस्याले सताउनेछ । यो साताका लागि शुभ अङ्क १.२ र शुभ रङ्ग कलेजी वा घ्यू रङ्ग हो । शुभकर्म गर्नु पूर्व भैरवजीको दर्शन गरि कार्य आरम्भ गर्दा अधिक सफलता मिल्नेछ ।
राशिफल जे जस्तो भएपनि तपाईंको यो साता शुभ रहोस् ।

- ज्यो.प. नारायणप्रसाद दुलाल