झगनखबर
भदौ २६ । एमाले उपाध्यक्ष सुवास
नेम्वाङको निधन भएको छ । हृदयघातका कारण
गएराती निधन भएको हो । राति १ बजेहृदयघात भएपछि त्रिवि शिक्षण अस्पताल, महाराजगञ्ज पुर्याइएको थियो ।
चिकित्सकहरुले अस्पतालमा पुर्याउने वित्तिकै नेम्वाङको निधन भएको घोषणा गरेको
अस्पताल स्रोतले जानकारी दिएको छ ।
एमाले अध्यक्ष केपी शर्मा ओली त्रिवि शिक्षण अस्पताल पुग्नुभएको छ ।
पूर्वसभामुख समेत रहनुभउका नेम्वाङ
२०५६ सालयता इलामबाट लगातार चुनाव जितेर सांसद् रहँदै आउनु भएको थियो । उहाँ हाल
नेकपा एमाले संसदीय दलको उपनेता समेत हुनुहुन्थ्यो।
इलामबजार नजिकै सुन्तलाबारमा जन्मिएका नेम्वाङ इलाम क्याम्पसमा पढ्दा अनेरास्ववियुमा लागेर २०२९ सालमा कम्युनिस्ट राजनीतिमा आएका थिए । २०३३ सालमा राजद्रोह मुद्दामा उहाँ केही समय जेल पर्नुभएको थियो ।
२०४८ र २०५२ सालमा राष्ट्रिय सभाको
सदस्य रहनु भएका नेम्वाङ मनमोहन अधिकारी
नेतृत्वको पहिलो कम्युनिस्ट सरकारमा कानुन, न्याय
तथा संसदीय व्यवस्था मन्त्री हुनुभएको थियो ।
२०५६ को निर्वाचन जितेर सार्वजनिक लेखा समिति सभापति बनेसँगै तत्कालीन
प्रधानमन्त्री गिरिजाप्रसाद कोइराला तथा पर्यटन तथा नागरिक उड्डययन मन्त्री तारिणीदत्त
चटौत जोडिएको चर्चित लाउडा कान्ड छानबिन गरेर चर्चामा आएका थिए ।
उनी जनआन्दोलन ०६२– ०६३ सँगै पुनस्र्थापित संसदका सभामुख
बन्नुभएको थियो। २०६४ र २०७० मा पनि इलामबाट चुनाव जितेर संविधानसभाको अध्यक्ष
हुनुभएको थियो । चारपल्ट सम्म सर्वसम्मत
सभामुख बन्नुभएको थियो ।
