घरको अँगेनामा जलेर तिन वर्षे बालकको मृत्यु

झगनखबर

असोज १ । आफ्नै घरको अँगेनामा जलेर तिन वर्षिय बालकको मृत्यु भएको छ । सिन्धुलीको मरिण गाउँपालिका वडा नं –३ वरुणमा आगोमा जालेर   बालकको मृत्यु भएको हो । ३ वर्षका बालक मनिष मोक्तानको आफ्नै घरको अगेनोमा जलेर मृत्यु भएको हो ।  अपांगता भएका बालकलाई भान्साकोठामा झोलुंगोमा सुताएर परिवारका सदस्य खेतमा काम गर्न गएका थिए । बालक झोलुंगोबाट झरेर ३ फिट पर रहेको अगेनासम्म पुगेका थिए । धरमा कोही नभएका कारण अगेनामा पसेर बालक बाहिर निस्कन नसकी मृत्यु भएको हुनसक्ने बताएका छन् ।

बालकको टाउको र शरीरको पछाडिको भाग जलेको छ । बालकको शव पोस्टमार्टमका लागि प्राथमिक स्वास्थ्य केन्द्र कपिलाकोटमा राखिएको जिल्ला प्रहरी कार्यालय सिन्धुलीले जनाएको छ ।