चैत १८ । राजाबादीको
गतिविधी बिरुद्धमा नेकपा एमाले ओखढुंगाले जागरण सभा गरेको छ । नेकपा एमाले कोशी
प्रदेश सचिवालय कमिटिको निर्णयानुसार सोमबार सबै जिल्लामा जागरणसभा गरिएको हो ।
केन्द्रीय सचिवालय कमिटीको निर्णयानुसार प्रदेश जिल्ला र गाउँकमिटि सम्म जागरण सभा
गरिने नेकपा एमाले ओखलढुंगाले जानकारी दिएको छ ।
चैत १५ गते
राजाबादीहरुले काठमाण्डौको तीनकुनेमा मानवीय र भौतिक क्षति हुने गरी आक्रामक
आन्दोलन गरेको थियो । त्यस्ता खालका अराजक गतिविधी तथा आन्दोलन गर्न नदिन एमालेले
देशै भरी जागरण सभाको आयोजना गरिएको बताएका छन् । जिल्ला पार्टी कार्यालय हुलाक
डाँडाबाट ¥याली सुरु गरी गणेशमन्दिरमा पुगेर कोणसभामा परिणत भएको थियो । कोणसभालाई
केन्द्रीय सदस्य एवं जिल्ला इन्चार्ज यज्ञराज सुनुवार, जिल्ला अध्यक्ष जीवी
खड्काले सम्बोधन गर्नुभएको थियो । कार्यक्रमलाई सम्बोधन गर्दै केन्द्रीय सदस्य
सुनुवारले, अग्रगामीको बिकल्प पश्चगामीको कदापी हुन नसक्ने भन्दै लोकतन्त्रको
बिकल्पमा राजतन्त्र हुन नसक्ने बताउनु भयो । ज्ञानेन्द्र शाहको उक्साहटमा लागेर
काठमाण्डौमा जुन क्षति गरेको छ, यसले राजाबादीहरुको चरित्र उदांगो भएको बताउनु भयो
।
