झगनखबर
माघ ११ । राष्ट्रियसभा सदस्यको
निर्वाचनमा तीन स्वतन्त्र जितेका मेयरहरुले निर्वाचन बहिष्कार गरेका छन्। काठमाडौं
महानगरपालिकाका मेयर बालेन्द्र शाह, धरान
उपमहानगरका मेयर हर्क साम्पाङ र धनगढी उपमहानगरका मेयर गोपाल हमालले निर्वाचन
बहिस्कार गर्नुभएको हो । बिहीवार भएको राष्ट्रियसभाको निर्वाचनमा काठमाडौं
महानगरका मेयर शाहले कार्यव्यस्तताको कारण मतदान गर्न हेटौंडा नगएको बताउनु भएको
छ। उहाँले यसअघि प्रदेशसभाको निर्वाचनमा पनि मतदान गर्नुभएको थिएन ।
कोशी प्रदेशबाट धरान उपमहानगरपालिकाका
मेयर हर्क साम्पाङले मतदान गर्नुभएन । त्यस्तै ग्रामथान गाउँपालिकाका अध्यक्ष
जयप्रकाश गच्छदारले मतदान नगरेपनि उहाँ विरामी परेका कारण मतदान नगरिएको बताइएको छ
। यस्तै धनगढीका मेयर गोपाल हमालले पनि
मतदान गर्नुभएन । उहाँहरु बालेन, हर्क
र गोपाल तीनै जनाले स्वतन्त्र मेयर जित्नुभएको हो ।
