राष्ट्रपति निर्वाचनमा मतदान सकियो, दुइ दल सहागी भएनन्

काठमाण्डौ २५, फागुन । नयाँ राष्ट्रपति चुन्नको लागि  भएको निर्वाचनमा मतदान सकिएको छ। नयाँ बानेश्वरस्थित संसद भवनमा बिहीबार बिहान १० बजेदेखि सुरू भएको मतदान दिउँसो ३ बजे सकिएको हो। राष्ट्रिय प्रजातन्त्र पार्टी र नेपाल मजदुर किसान पार्टीे मतदानमा सहभागी भएनन् । राप्रपाको संघीय संसदमा १४ र प्रदेश   सांसद २८ छन् । त्यस्तै नेपाल मजदुर किसान पार्टीको संघीय संसदमा १ र प्रदेशसभामा ३ जना सदस्य छन् ।आजको मतदानमा ३१३ संघीय सांसद र ५१८ प्रदेश सभा सदस्यले मतदान गरेका छन्। निर्वाचन आयोगका अनुसार कुनै मत पत्रमा स्वस्तिक छाप नलगाइएको पाइएमा र सम्बन्धित उम्मेदवारको नाम लेखिएको कोठामा मत संकेत प्रयोग नगरी अन्यथा गरेको पाइएमा त्यस्ता मत पत्र बदर हुनेछन्। मतदान सकिएसँगै  मतगणनाको लागि तयारी भइरहेको निर्वाचन आयोगले जनाएको छ ।