कास्कीका विभिन्न स्थानमा गए रातिको पहिरोमा परी ११ जनाको मृत्यु भएको छ । पोखरा महानगरपालिकामा १० र मादी गाउँपालिकामा एक जना गरी ११ जनाको मृत्यु भएको हो ।
पुरुनचौर तल्लाकोटका कुलबहादुर परियारको घर
पहिरोमा पुरिँदा सात जनाको मृत्यु भएको छ । यसैगरी पोखरा –३२ चैनपुरस्थित बाह्रबिसेमा पहिरोको
कारण तीन जनाको घटनास्थलमै मृत्यु भएको छ ।
मादी गाउँपालिका–११ ताप्लेमा गए राति पहिरोमा परी
बेपत्ता भएकी ८० वर्षीया माइतीकुमारी गुरुङको शव फेला परेको जिल्ला प्रहरी
कार्यालय कास्कीका प्रहरी नायब उपरीक्षक बसन्तकुमार शर्माले जानकारी दिनुभयो ।
मृतकको शव परीक्षणका लागि पोखरा स्वास्थ्य विज्ञान प्रतिष्ठानअन्तर्गतको
पश्चिमाञ्चल क्षेत्रीय अस्पतालमा राखिएको उहाँले बताउनुभयो ।
२९ असार २०८१, शुक्रबार ०९:१८ मा प्रकाशित
335
