राजकुमार कार्की
जेठ २८ ।
जिल्लाको सुनकोशी गाउँपालिका –६, भुल्केमा एक बृद्धको लडेर घटनास्थलमै मृत्यु भएको छ
। ७९ वर्षीय बृद्ध भिम प्रसाद गौतमको घाँस काटन् जाँदा मंगलबार विहान लडेर मृत्यु
भएको हो । मंगलबार विहान करिब ६ बजेको समयमा घाँस काट्न जान्छु भनी घरबाट जानु भएको
थियो । घाँस काटन गएको लामो समय घर नफर्केपछि परिवारले खोजतलास गर्ने क्रममा दिउसो
करिब ३ बजेको समयमा मृत अवस्थामा फेला पारेको परिवारलाई उदृत गर्दै जिल्ला प्रहरी
कार्यालय ओखलढुंगाले जानकारी दिएको छ । घरदेखि करिब २ सय ५० मिटर टाढा पानी
टयाङकीको छेउमा घाँसको भारी सहित लडेर मृत अवस्थामा भेटिएको मृतकका भाई विष्णु
प्रसाद गौतमलाई उदृत गर्दै प्रहरीले जनाएको छ । घाँसको भारी सहित बाटोमा
मृतअवस्थामा भेटीएका गौतमलाई स्थानीयबासीको सहयोगमा घरमा लगेर राखिएको थियो ।
विष्णु प्रसाद गौतमको सुचनाको आधारमा इलाका प्रहरी कार्यालय बरणेश्वर रामपुरबाट
प्रहरी टोली गई घट्नास्थल सुरक्षित राखेको र थप कानूनी प्रकृयाका लागि जिल्ला
प्रहरी कार्यालयबाट प्रहरी निरिक्षक बिक्रम बहादुर भट्टराईको कमाण्डमा प्रहरी टोली
घट्नास्थल तर्फ गएको छ ।
