प्रदेश नं १ को नाम 'कोशी' प्रदेश हुने संभावना बलियो

बिराटनगर १७, फागुन । प्रदेश नं. १ ले नाम पाउने संभावना बढेर गएको छ । पहिचान सहितको नामको खोजीमा पहिलो सरकारको पुरै ५ वर्षको कार्यकाल समाप्त भयो, तर नाममा सहमति नहुदा नामाकरण  नगरि सरकारको समय समाप्त भएको थियो ।  गत मंसिरमा भएको चुनाव पछि दोश्रो पटक अर्को सरकार आएको छ । अहिलेको सरकारले नामाकरणको विषयमा संसदमा छलफल गरिरहेको छ । आज ( फागुन १७) मा बसेको प्रदेश सभाको बैठले जसरी पनि नामाकरण गर्ने विषयमा प्रदेश सभा संसद छलफल गरिरहेको छ । पहिचान सहितको नामाकरणको विषयमा दलहरुविचमा कुरा नमिल्दा अहिले सम्म नामाकरण हुन नसकेको हो । आजको प्रदेश सभाको बैठक बाट जसरी पनि नामको टुङ्गो लगाएरै छोड्ने एक सांसदले जानकारी दिए । दिउसो देखि बसेको प्रदेश सभाको बैठक यो समचार तयार पार्दा सम्म बसिरहेको छ । नेपाली कांग्रेस, नेकपा एमाले र नेकपा माओबादी प्रदेशको नाम कोशी राख्नेमा सहमत भएका छन् भने एकीकृत समाजबादी र जनता समाजबादी पार्टी भने सगरमाथा, किँरात र लिम्बुवानलाई मिलाएर पहिचान सहितको नामांकन हुनुपर्नेमा जोड दिईरहेका छन् । ९३ सदस्यीय प्रदेशसभामा नामकरणका लागि दुई तिहाई मत आवश्यक पर्छ । एमालेको ४०, कांग्रेसको २९, माओवादी केन्द्रका १३ र राप्रपाका ६ सांसद कोसी प्रदेशको पक्षमा छन् । नेकपा एकीकृत समाजवादीका ४ र जसपाका एक सांसद किरात लिम्बूवान सगरमाथा राख्नुपर्ने पक्षमा छन् । अहिले पनि नामको विषयमा छलफलका लागि प्रदेश सभा बसिरहेको प्रदेश नं. १ का सभामुख बाबुराम गौतमका स्वकीय सचिव नविन पौडेलले जानकारी दिए ।