सहिद आदर्श क्याम्पस रामपुरमा नेविसंघ प्यानल विजयी

ओखलढुंगा ६, चैत । सहिद आदर्श क्याम्पस रामपुरमा स्वतन्त्र विद्यार्थी युनियनको चुनावमा नेपाल विद्यार्थी संघ विजयी भएको छ । चैत ५ गते  सम्पन्न भएको स्वतन्त्र विद्यार्थी युनियनको चुनावमा नेविसंघ को प्यानल नै  विजयी भएको हो । नेविसंघको तर्फ बाट सुरेश धमालाको नेतृत्वमा र अनेरास्ववियु र अखिल क्रान्तिकारीको तर्फ बाट जुनु कार्कीको नेतृत्वमा चुनावमा गएको थियो । नेविसंघको तर्फबाट सुरेश धमला अध्यक्ष, पदमा १०७ मत, सुभम दाहाल सचिव पदमा १११ मत,  मिना कटवाल कोषाध्यक्ष पदमा ११५ मत र सदस्यहरु सृष्टि कार्की ११० मत, प्रमोद खतिवडा ११९ मत सीता पौडेल ११४, भुवन धमला १०६ र यमुना दाहालक ११२ मत सहित विजयी भएको निर्वाचन समितिले जनाएको छ ।  त्यसै गरि अनेरास्ववियु र अखिल क्रान्तिकारीको तर्फबाट जुनु कार्की अध्यक्ष १०६ मत, सरोज ढकाल सचिव ९८ मत, सरोज राई कोषाध्यक्ष ९९ मत  र सदस्यहरु जमुना श्रेष्ठ ९९, समिन माया तामाङ ९४,  गिता भुजेल ९४  विमला तामाङ ९५ र प्रजुला खतिवडा ९३ मत प्राप्त गरेका थिए ।