सांसद चन्द्र भण्डारीको स्वास्थ्यमा क्रमिक सुधार हुदै

काठमाण्डौ २२, फागुन । खाना पकाउने ग्यास लिक भई आगोलागीबाट गम्भीर घाइते भएका नेपाली कांग्रेसका सांसद चन्द्र भण्डारीको स्वास्थ्यमा क्रमिक रूपमा सुधार हुँदै गएको छ ।  मुम्बईस्थित नेशनल बर्न सेन्टरमा उपचार गराईरहेका सांसद भण्डारीको स्वास्थ्यमा क्रमिक सुधार हुदैँ गइरहेको   अस्पतालमा रहेका भण्डारीका दाजु मिन भण्डारीले  बताएका हुन् । चिकित्सकहरू र अस्पताल प्रशासनले सांसद भण्डारीलाई भेटघाट गर्न परिवारका सदस्यबाहेक अरूलाई भने दिएका छैनन्। गत फागुन ३ गते बुद्धनगरस्थित आफ्नै  निवासमा ग्यास लिक भई आगलागी हुँदा सांसद भण्डारी र उनकी आमा हरिकला भण्डारी गम्भीर घाइते भएका थिए। आमा  हरिकलाको भने उपचारका क्रममा फागुन ४ गते अस्पतालमा निधन भएको थियो । भण्डारीलाई थप उपचारका लागि मुम्बई लगिएको थियो।  भण्डारीको अनुहार, हात र खुट्टाका धेरै जलन भएका घाउहरू क्रमिक रूपमा निको हुने क्रममा छन्।