चैत ३१ । जिल्लाको
मानेभन्ज्याङ गाउँपालिकाको हिलेपानीमा टिफर दुर्घटना हुँदा दुइजना घाइते भएका छन्
। शनिबार राती करिब ११ः४० बजेको समयमा भएको दुर्घटनामा चालक र सहचालक घाईते भएका
हुन् । उयपुरको मिर्चैयाबाट सिमेन्ट लिएर सोलुखुम्बु तर्फ जाँदै गरेको ना ७ ख ५९८४
नम्बरको टिफर अनियन्त्रीत भई दुर्घटना भएको प्रहरीले जानकारी दिएको छ ।
जिल्ला प्रहरी
कार्यालय ओखलढुंगाका अनुसार, कटारी नगरपालिका–४ बस्ने अन्दाजी वर्ष
२३ का चालक अम्बर राउत घाइते भएका छन् । उहाँको टाउकोमा चोट लागेको छ । त्यसैगरी
ऐऐ बस्ने सहचालक वर्ष १९ का आसिष पुलामीको टाउको कम्मर र शरिरका विभिन्न ठाउँमा
चोट लागेको छ । उहाँहरु दुवैजनालाई घुर्मीस्थित जनसेवा पोलीक्लीनिकमा उपचार
भईरहेको छ । दुवैजना घाइतेको अवस्था मध्यम रहेको जनाएका छन् । टिफर सडकबाट करिब २०
मिटर तल झरेको छ । अन्य सवारी साधनलाई अवरोध गरेको छैन । दुर्घटना भएको जानकारी
पाउनसाथ हर्कपुर प्रहरीले उद्धार गरी घाईतेलाई उपचारमा पठाएका छन् ।
