नब्बे लाख बराबरको सामग्रीसहित तिन जना पक्राउ

बैशाख २४ । बिराटनगर महानगरपालिका १५ बाट अवैध सुन तथा चाँदी जस्तो देखिने धातुका विभिन्न गरगहना सहित ३ जनालाई पक्राउ गरेको छ ।  बिराटनगरबाट रानीतर्फ जादै गरेको को.२ च १४९५ नम्वरको भेनलाई जाँच गर्ने क्रममा सुन तथा चाँदी जस्तो देखिने धातुबाट बनेका बिभिन्न प्रकारका  गरगहना शनिबार प्रहरीले पक्राउ गरेको हो । 

पक्राउ पर्नेमा  बिराटनगर महानगरपालिका २ का ५२ बर्षीय बिमल कामत, भारत बिहार कटिहारका ६१ बर्षीय बिनोद कुमार मुरारका र उनकै श्रीमती ५६ बर्षीया पुष्पा मुरारका रहेका छन ।  कोशी प्रदेश प्रहरी कार्यालय बिराटनगरबाट खटिएको प्रहरीले, उक्त नम्बरको भ्यान र  बिभिन्न दरका ७ लाख ९५ हजार २ सय ८९ भारतीय रुपैयाँसमेत गरी जम्मा ९० लाख रुपैयाँ बराबरको सामग्रीसहित उनीहरूलाई पक्राउ गरेको हो । बरामद सामग्रीसहित उनीहरूलाई आवश्‍यक कारबाहीको लागि जिल्ला प्रहरी कार्यालय मोरङमा पठाइएको प्रहरी प्रधान कार्यालय काठमाण्डौले जनाएको छ ।