झगनखबर
असोज १४ । ओखलढुंगा जिल्लाको साविक नारायणस्थान
गाउँविकास समिति हाल सिद्धिचरण नगरपालिका वडा नं ३ स्थित नारायणस्थानमा जन्मनु
भएका डिल्लीराम खनाल सानै उमेर देखि पन्चायत बिरुद्धको आन्दोलनमा लाग्नु भएको थियो
। २००७ साल असोज २० गते जन्मनु भएका खनाल, शुरुमा
सरकाारी सेवामा जागिर खानु भएको थियो । २८ सालमा शिाक्षण पेशामा आबद्ध भएपनि
पन्चायती सरकारले अराष्ट्रिय तत्व भनेर शिक्षण पेशाबाटै निकालेका थिए ।
२०३१ सालमा लोकसेवा आयोग पास गरी
निजामती सेवामा पनि प्रबेश गर्नुभएको थियो । लामो समय निजामती सेवामा कार्यरत
रहनुभएको थियो । निजामती सेवामा हुँदा पनि पन्चायती ब्यवस्थाको बिरुद्धको
आन्दोलनलाई भित्री रुपमा सहयोग गर्दै आउनु भएको थियो । पन्चायत बिरोधी आन्दोलनमा
सभागी भएका कारण बाटै उहाँलाई जागिरबाट निष्काशन गरिएको थियो । उहाँले नेपाली
कांग्रेसलाई प्रत्यक्ष वा परोक्षरुपमा सहयोग गर्दै आउनु भएको भतिज बालकुमार खनालले बताउनु भयो ।
२०४६ सालमा नेपालमा बहुदलको
(प्रजातन्त्रको पुनः) उदय भएपछी नेपाली कांग्रेसमा आबद्ध भई राजनितिमा सक्रिय भूमिका
निभाउदै आउनु भएको थियो । नेपाली कांग्रेस
ओखलढुंगाको जिल्ला कार्यसमितिको कोषाध्यक्ष पदमा निर्वाचित हुनुभएको थियो । लगातार
२ कार्यकाल कोषाध्यक्ष हुनुभएका खनाल पार्टीका लागी असल इमान्दार नेताको रुपमा
चिनिनुहुन्छ । जागिरे जीवन पछाडी नियमित
राजनितिमा होमीनु भएका खनाल पार्टीको विभिन्न भूमिकामा रहेर काम गर्नु भएको थियो ।
पार्टीका साधारण सदस्य देखी कार्यकर्ता लगायतमा परिचित नेता खनाल, सबैप्रति सद्भाव र दयालु स्वभावको भएको
कांग्रेस नेता टेकराज भट्टराईले बताउनु भयो ।
०६२÷०६३ को जनआन्दोलन पछी जिल्ला उपसभापति भएर पनि काम गर्नुभएको थियो ।
त्यसपछीको जिल्ला अधिबेशनमा जिल्ला सभापतिको उम्मेदवार हुनुभएका खनाल असफल
हुनुभएको थियो । अन्य समयमा महाधिबेशन प्रतिनिधी र महासमिति सदस्य भएर पनि काम
गर्नु भएको थियो ।
२०७४ सालमा भएको स्थानिय निर्वाचनमा
सिद्धिचरण नगरपालिकामा नेपाली कांग्रेसको तर्फबाट उम्मेदवार हुनु भएको थियो । २०७९
सालमा भएको स्थानिय तह निर्वाचनमा सिनपा ३ बाट वडा सदस्य निर्वाचित भई सर्वसहमत
जिल्ला समन्वय समिति ओखलढुंगाको समन्वय प्रमुखमा निर्वाचित हुनुभएको थियो ।
उहाँ, डिल्लीराम खनालको निधन भएको छ ।
त्रिभुवन विश्वविद्यालय शिक्षण अस्पताल महाराजगन्जमा उपचारको क्रममा शनिबार राती
१० बजे निधन भएको हो ।लामो समय देखी प्याङक्रीयाज क्यान्सर पिडित खनाल उपचाररत
हुनुहुथ्यो । २००७ साल असोज २० गते ओखलढुंगामा जन्मनुभएका खनालको २०८० साल असोज १३
गते बेलुका शिक्षण अस्पताल काठमाण्डौमा मृत्यु भएको छ । तिन वर्ष अगाडी
प्याङक्रीयाजमा क्यान्सर भएपछी नयाँदिल्लीको राजीवगान्धी अस्पतालमा उपचार
गर्नुभएको थियो । करिब ६ महिना भारतमा उपचार पश्चात नेपाल आउनु भएको थियो ।
त्यसपछी काठमाण्डौको हरिसिद्धी क्यान्सर अस्पतालमा नियमित फलोअप र उपचार गराउदै
आउनु भएको थियो । पछी शिक्षण अस्पताल महाराजगन्जमा नियमित उपचार गराईरहनुभएको थियो
।
उहाँकी धर्मपत्नी ६८ वर्षिय शारदा खनाल
हुनुहुन्छ भने दुई छोरा र दुई छोरी हुनुहुन्छ । जेठो छोरा महेश खनाल परिवार सहित
रोजगारीको सिलसिलामा अष्ट्रेलिया, दुइ
विवाहित छोरी पनि बिदेशमै रहेका छन् । कान्छा छोरा डा।राजाराम खनाल बरिष्ठ मुटु
रोग विशेषज्ञ शिक्षण अस्पतालमा कार्यरत हुनुहुन्छ ।
