बैशाख २१ ।
पोर्चुगल पठाइदिन्छु भन्दै रकम ठगी गरेको अभियोगमा खोटाङका एक युवक पक्राउ
परेका छन् । खोटाङ
दिक्तेल नगरपालिका वडा नं १० पाथेका घर भई
काठमाडौं महानगरपालिका ३२ कोटेश्वर बस्ने २२ वर्षीय सुरज राईलाई बिहीबार प्रहरीले
पक्राउ गरेको हो ।
पोर्चुगल जानको लागि ९ लाख रुपैयाँ लाग्ने
र त्यहाँ पुगेपछि होटलमा मासिक १ लाख
भन्दा बढी तलब हुने गरि सजिलो काम मिलाई
दिन्छु भनी पटक पटक गरी ३ लाख ४२ हजार लिएको र पोर्चुगल नपठाए पछि पिडितले बैदेशिक
रोजगार विभागमा उजुरी गरेका थिए । उजुरी आएपछि बैदेशिक रोजगार विभागले राईलाई
पक्राउ गरी उपस्थित गराउन प्रहरीलाई पत्र पठाएको थियो । बैदेशिक रोजगार विभागको
पत्र प्राप्त भएपछि उपत्यका अपराध
अनुसन्धान कार्यालय मिनभवनबाट खटिएको प्रहरीले पक्राउ गरेको छ । काठमाण्डौ
महानगरपालिका वडा नं १० बुद्धनगरबाट पक्राउ गरी आवश्यक अनुसन्धान र कारर्वाहीका
लागि बैदेशिक रोजगार विभागमा पठाएको प्रहरीले प्रधान कार्यालय काठमाण्डौले जनाएको
छ ।
