बैशाख २१ । गण्डकी प्रदेशका मुख्यमन्त्री
नेपाली कांग्रेसका सुरेन्द्रराज
पाण्डेलाई संसदबाट विश्वासको मत प्राप्त
भएको छ । बैशाख १४ गते मुख्य मन्त्रिमा
नियुक्त भएका पाण्डेले बिहिबार विश्वासको मत पाएका हुन् । पाण्डेको पक्षमा ३५ मत
परेको थियो भने विपक्षमा २२ मत परेको थियो । राप्रपा भने तटस्थ बसेको बताएका छन् ।
उनलाई
कांग्रेसका २७, माओवादीका ७ र मनाङबाट स्वतन्त्र सर्वसम्मत
चुनाव जितेर एकीकृत समाजवादी प्रवेश गरेका राजीव गुरुङसहित ३५ सदस्यले विश्वासको
मत दिएका थिए ।
नेकपा एमालेका २२ सांसदले विपक्षमा मत हालेका
छन् । राप्रपाका २ सांसद भने तटस्थ बसेका छन्। पुस २५ गते माओवादी, राप्रपासहितको
समर्थनमा मुख्यमन्त्री नियुक्त भएका एमालेका खगराज अधिकारी सरकार वैशाख ९ गते
ढलेपछि गण्डकीमा कांग्रेस–माओवादीको समन्वयमा सुरेन्द्रराज मुख्यमन्त्री
बनेका थिए ।
