झगनखबर
असोज १४ । जिल्ला समन्वय समिति
ओखलढुंगाका प्रमुख डिल्लीराम खनालको निधन भएको छ । त्रिभुवन बिश्वबिद्धालय शिक्षण
अस्पताल महाराजगन्जमा उपचारकोक्रममा शनिबार राति १० बजे निधन भएको हो । प्याङक्रियाजको क्यान्सर रोगबाट पिडित खनाल
लामो समय देखी उपचाररत हुनुहुन्थ्यो । खनालको ७३ वर्षको उमेरमा निधन भएको हो । खनालले
ओखलढुंगा कांग्रेसमा ठुलो योगदान पुर्याउनुभएका पुराना, कर्मठ, लगनसिल, कुशल संगठकका रुपमा चिनिनुहुन्थ्यो । खनालको निधनले नेपाली काँग्रेस ओखलढुंगालाई
ठुलो क्षति पुगेको र पार्टीको एक कुशल अविभावक गुमाएको सभापति तेजन खनालले
बताउनुभयो । जिल्लाको होनहार काँग्रेसका नेता उहाँ लामो समय सम्म पार्टीको
राजनितिमा निष्ठाका साथ लागेर स्थानिय तह निर्वाचन २०७९ पछि जिल्ला समन्वय समिति
ओखलढुंगाको प्रमुख पदमा निर्वाचित हुनुभएको सभापति खनालको भनाई छ । उहाँ, पदको लागी राजनिती नभई देश र जनताको
लागी काम गर्नुपर्नेमा जोड दिदै आउनु भएका त्यागी नेताको रुपमा परिचित हुनुहुन्छ ।
समन्वय प्रमुख खनाल केहि दिनयता त्रिबि शिक्षण अस्पताल महाराजगन्जस्थित क्यान्सर
उपचार कक्षमा उपचाररत हुनु हुन्थ्यो । खनाल नेपाली काँग्रेस ओखलढुंगाको पुर्व
उपसभापति,महासमिति सदस्य रहनु भएको थियो
