मोटरसाइकल दुर्घटनामा एकजना गम्भिर घाईते

झगनखबर

असोज ३० । मोटरसाइकल दुर्घटनामा एक जना गम्भिर घाईते भएका छन् । ३० गते मंगलबार विहान करिब ४ः३० बजेको समयमा दुर्घटना भएको हो । रामबजार बाट मिलनचोक तर्फ जाँदै गरेको प्र १-०२-०४० प ४३३४ नं को मोटरसाइकल खुश्बु पेट्रोल पम्प नजिकै दुर्घटना भएको थियो ।  दुर्घटनामा परी चालक सिद्धिचरण नगरपालिका वडा नं ११, मिलनचोक बस्ने जीत बहादुर राईको छोरा अन्दाजी वर्ष ३० को अरुण राई गम्भिर घाइते भएका हुन् । राईको टाउको र दुवै हातमा चोट लागेको छ । घाइते राईको सामुदायिक अस्पताल मिसन सोब्रुमा उपचार भईरहेको जिल्ला प्रहरी कार्यालय ओखलढुंगाले जनाएको छ । अवस्था गम्भिर भएकाले थप उपचारको लागी हेलीकप्टर मार्फत काठमाण्डौ लैजाने तयारी भईरहेको परिवार श्रोतले जानकारी दिएका छन् ।